13.04.2021 / Вторник/ 04:51
Д л я   т е х ,   к т о   з а н я т   д е л о м   !
Поиск
Политика 17.01.2013 2045

У Беларусi для палiтолагаў заснавана прэмія імя Віталя Сіліцкага

Камітэт памяці Віталя Сіліцкага заснаваў прэмію яго імя “За ўнёсак у развіццё паліталагічнай думкі ў Беларусі” дзеля падтрымання памяці сусветна вядомага беларускага палітолага, грамадскага мысляра і першага дырэктара BISS.

У Беларусi для палiтолагаў заснавана прэмія імя Віталя Сіліцкага

 Прэмія імя Віталя Сіліцкага мае на мэце спрыянне захаванню традыцыяў высокай якасці і прафесіяналізму ў паліталогіі, якія заклаў Віталь Сіліцкі. Калегі не раз адзначалі, што менавіта ён прыўнёс у беларускую паліталогію заходнія стандарты, захаваўшы пры гэтым свой непаўторны аўтарскі стыль. Ён заўсёды жыва і востра рэагаваў на ўсё, што адбывалася ў краіне, рабіў трапныя прагнозы і якасную аналітыку, проста казаў аб складаным, паведамiлi "Штодзеннiку" у BISS.

Апошнім зваротам Віталя да сяброў і калег сталі словы: “Я паміраю, але зрабіце так, каб жылі тыя ідэі, якімі жыў я”. Каб выканаць запавет Віталя Сіліцкага, а таксама падтрымаць зададзеную ім высокую планку, Камітэт памяці Віталя Сіліцкага вырашыў заснаваць прэмію яго імя “За ўнёсак у развіццё паліталагічнай думкі ў Беларусі”

Намінантаў на прэмію можа прапанаваць кожны ахвотны праз сайт Камітэту памяці Віталя Сіліцкага http://vitalisilitski.org/be, альбо даслаўшы заяўку на адрас ccvsilicki@gmail.com. Да ўдзелу прымаюцца працы за 2012 год, якія прадстаўляюць сабой грунтоўны аналіз, аналітыку ці новы погляд на падзеі ў Беларусі з паліталагічнага пункту гледжання і належаць беларускаму аўтару. Намінаванне будзе адкрытым у перыяд з 15 студзеня па 28 лютага.

Пераможцу прэміі імя Віталя Сіліцкага “За ўнёсак у развіццё паліталагічнай думкі ў Беларусі” вызначыць прафесійнае журы, у склад якога ўвайшлі вядомыя палітолагі і грамадскія дзеячы, сярод якіх Уладзімір Роўда, Андрэй Казакевіч, Дзяніс Мельянцоў, Алесь Лагвінец, Валер Булгакаў і многія іншыя. Калі нехта з сябраў журы патрапіць у спіс намінантаў, яны могуць прэтэндаваць на прэмію, пакінуўшы склад журы, праца якога будзе доўжыцца цягам сакавіка. Уручэнне прэміі імя Віталя Сіліцкага “За ўнёсак у развіццё паліталагічнай думкі ў Беларусі” адбудзецца напачатку красавіка 2013г.

Арганізатары Прэміі імя Віталя Сіліцкага плануюць зрабіць яе штогадовым мерапрыемствам.

Камітэт памяці Віталя Сіліцкага быў утвораны ягонымі сябрамі і калегамі ў траўні 2012 году, напярэдадні гадавіны смерці Віталя. Вядомы беларускі палітолаг, першы дырэктар Беларускага інстытута стратэгічных даследванняў сышоў з жыцця праз рак 11 чэрвеня 2011 году.

Будте в курсе событий ПЕРВЫМИ. Подписывайтесь и читайте нас :
Новости по теме «Политика»